Мен және менің ұжымым СЫБАЙЛАС ЖЕМҚОРЛЫҚҚА ҚАРСЫ
Қазіргі таңдағы мәселелердің бірі- қоғамдағы кең қанат жайып бара жатқан, сыбайлас жемқорлық. Осы келеңсіз құбылыстың үдеп бара жатқаны ұрпақ тәрбиесіне зиян әкелетіні бәрімізді алаңдатады. Бұл мәселеге тереңірек үңілетін болсақ, сыбайлас жемқорлық ел болашағына, ұлттық қауіпсіздікке, халықтың тұрақсыздығына, болашақ жастардың тәрбиесіне үлкен зиянын тигізеді. Сондықтан, осы келеңсіз құбылыспен күресу барша халықтың алдында тұрған ортақ мәселе екені айқын. "Тура биде туған жоқ, туғанды биде иман жоқ" деп қара қылды қақ жарып, турасын айтып, әділдікке жүгінген қаймана халықтың ұрпағы бүгінгідей өз алдына ел болып, еңсесі биік дамыған мемлекеттердің қатарына жетуді көздеп отырған шақта сол адами қалып-парасат биігінен көрінуге тиіспіз.
Сыбайлас жемқорлық- заманмен бірге өсіп өркендеп, небір қарсылықтарға төтеп беріп, қайда мол қаражат, пайда болса, сол жерге тамыр жайып, бүгінгі күнге дейін жойылмай отырған қауыпті дерттің бірі. Бұл басқа елдер сияқты, біздің жас мемлекетімізді айналып өткен жоқ. Біздің мемлекетіміз, басқа да көптеген мемлекеттер сияқты, сыбайлас жемқорлықтың алдын алу және оны болдырмау мақсатында қарқынды жұмыстар жүргізуде. Дегенмен де, бұл кеселмен күресу еліміздегі әрбір азаматтың міндеті деп есептейміз. Мен және менің ұжымым СЫБАЙЛАС ЖЕМҚОРЛЫҚҚА ҚАРСЫ!
